Antananarivo, 1 jiona 2026
Mifofofofo ny rivotra eo amin’ny tontolon’ny fitsarana sy ny politika eto Madagasikara amin’izao fotoana izao. Araka ny vaovao ofisialy voaray, dia mpanolotsaina avo efatra eo anivon’ny Fitsarana Avo momba ny Lalàmpanorenana na ny Haute Cour Constitutionnelle (HCC) no voalaza fa nahazo fangatahana didy fanenjehana na « ordre de poursuite ». Ity fangatahana ity, izay nivoaka avy amin’ny Fitsarana Ambaratonga Voalohany, dia efa nalefa any amin’ny Ministeran’ny Fitsarana amin’izao fotoana izao mba handraharahana ny tohiny eo anivon’ny fitondrana.
Ireo mpitsara ambony voatonona amin’ity raharaha mafana ity dia ahitana an’i Rojoniaina Ranaivoson, Antonia Rakotoniaina Raverohanitrambolatianiony, William Noelson ary Nandrasana Georges Merlin Rasolo. Raha ny loharanom-baovao ara-potoana avy amin’ireo mpandinika, dia ahiahiana ho voarohirohy amin’ny raharaha mifandraika amin’ny firaisana tsikombakomba hanakorontana ny filaminam-panjakana sy ny firenena ireto mpikambana ao amin’ny Haute Cour Constitutionnelle ireto.
Ny ambadiky ny fangatahana fanesorana ny Filoham-pirenena
Ny antony lalina nanosika izao fepetra izao dia mifamatotra mivantana amin’ny dinamika politika eny anivon’ny Antenimierampirenena. Voalaza mantsy fa ireto mpitsara efatra ireto dia naneho ny fankasitrahany sy ny fahavononany hanohana ny fangatahana napetrak’ilay solombavambahoaka Antoine Rajerison. Ity farany dia nangatka mazava tsara ny fanesorana ny Filohan’ny Repoblika, dingana izay heverin’ny mpitondra ho fikasana hanongana ny rantsam-pandehan’ny Fanjakana. Na izany aza, nolavina tanteraka io fangatahan’ny solombavambahoaka io satria tsy manana ny fahefana sy ny fahafahana hitory eo anivon’ity rantsam-piatakarana ity izy. Ny lalàna eto Madagasikara mantsy dia mazava tsara fa ny lehiben’ny andrim-panjakana sy ny telo ampahefatry ny mpikambana ao amin’ny Antenimierampirenena ihany no afaka mampiantso sy mampiasa ny Haute Cour Constitutionnelle.
Andrasana tsy ho ela ny fivoaran’ity raharaha ity satria miankina tanteraka amin’ny fiverenan’ny tompon’andraikitra voalohany ao amin’ny ministera ny fanaovana sonia izany. Ny Minisitry ny Fitsarana mantsy dia fantatra fa any ivelany amin’izao fotoana izao manatanteraka iraka ofisialy, saingy efa naneho ny fahavononany hanao sonia ity didy fanenjehana ity raha vao tonga eto an-toerana. Hatreto, mbola mampiakatra ny maripanan’ny tontolo politika izao disadisa eo amin’ny ministera sy ny mpikambana ao amin’ny Haute Cour Constitutionnelle izao.
Laisser un commentaire