✍🏼 🇲🇬 HCC: FITORIAN’I ANTOINE RAJERISON NY FILOHAM-PANJAKANA

Nametraka fitoriana i Antoine Rajerison ny alarobia teny amin’ny HCC noho ny fanitsakitsahana lalampanorenana voalaza ho natao. Ny Filohan’ny Antenimierampirenena kosa mihevitra fa tsy mendrika izany fomba izany, nampahatsiahy ny zava-nisy tamin’ny taona 2025.

Antananarivo, 14 mai 2026.

Nametraka fitarainana teny anivon’ny Fitsarana Avo momba ny Lalàmpanorenana (HCC) teny Ambohidahy ny alarobia 13 mey teo ny depoite Antoine Rajerison. Io mpikambana ao amin’ny Antenimierampirenena io, tamin’ny alalan’ny fitarainany, dia nangataka tamin’ireo mpanolotsaina avo mba hanapa-kevitra momba ny ahiahy eo amin’ny fanitsakitsahana ny lalàmpanorenana sy ny tsy fahatanterahan’ny nifanarahana teny ankianja nataon’ny mpitondra fanjakana, ary noho izany dia mangataka ny handrava azy ireo sy hanolo azy ireo izy.

Ho setrin’izany, ny Filohan’ny Antenimierampirenena dia nanambara tao amin’ny kaontiny Facebook fa ny dingana rehetra tokony ho tanterahana eo anivon’ny HCC dia tsy maintsy manaraka ny fizotry ara-dalàmpanorenana. Ary, noho izany, tsy afaka manatona ny HCC ny solombavambahoaka iray. Mbola nanohy ny fanazavana ihany koa izy fa tsy mitovy amin’ny toe-javatra tamin’ny oktobra 2025 ny toe-javatra misy amin’izao, izay nangatahan’i Siteny Randrianasoloniaiko ny fanapahan-kevitra momba ny fanesorana ny filoham-panjakana tamin’izany fotoana izany, Andry Rajoelina, sy ny famindrana ny fahefana ho an’ny fahefana miaramila mahefa. Tamin’io fotoana io mantsy dia tsy nanana ny fahafahana hanatona ny HCC ny depiote Siteny Randrianasoloniaiko. Saingy, nambarany ny antony nahatonga izany sy ny fahombiazany satria nisy krizy teo anivon’ny andrim-panjakana nateraky ny tsy nahateto an-toerana ny filoham-panjakana, ny fahambangan’ny toeran’ny filohan’ny Antenenimierandoholona, ary ny fetram-pahefan’ny governemanta izay ahitana mpikambana efatra ihany (anisan’izany ny Praiminisitra).

Miaraka amin’ny valinteny nomena an’i Siteny Randrianasoloniaiko, dia azo antoka fa ho lavin’ny HCC ny dingana nataon’ny depiote Antoine Rajerison.